Kanjikuzhy
Grama Panchayat

ഒരു ഗ്രാമപഞ്ചായത്തിന്റെ ഭൂപ്രദേശത്തിൽ ഉൾപ്പെട്ട ഗ്രാമത്തിലെ വോട്ടർപട്ടികയിൽ പേര് ചേർത്തിട്ടുള്ള എല്ലാ വോട്ടർമാരും ചേർന്നതാണ് ഗ്രാമസഭ. ഓരോ വാർഡിലെയും വോട്ടർമാർ അതത് വാർഡ് സഭയിലെ അംഗങ്ങളാണ്.

• വാർഡ് മെമ്പർ/കൗൺസിലർ ഗ്രാമസഭയുടെയോ വാർഡ് സഭയുടെയോ കൺവീനറാണ്.
• ഗ്രാമസഭയ്ക്ക് ഗ്രാമപഞ്ചായത്ത് പ്രസിഡന്റും, വാർഡ് സഭയ്ക്ക് ചെയർപേഴ്സണും അദ്ധ്യക്ഷത വഹിക്കുന്നു.
• അസാന്നിധ്യത്തിൽ വൈസ് പ്രസിഡന്റോ മറ്റ് ചുമതലപ്പെടുത്തിയ വ്യക്തിയോ യോഗത്തിന് നേതൃത്വം നൽകും.

• ഗ്രാമസഭാ യോഗം വിളിക്കേണ്ടത് കൺവീനറുടെ ഉത്തരവാദിത്വമാണ്.
• ആകെ വോട്ടർമാരുടെ 10% ആണ് ക്വാറം.
• ക്വാറം തികയാതെ മാറ്റിവച്ച യോഗത്തിന് 50 അംഗങ്ങൾ മതിയാകും.
• വോട്ടർമാരുടെ 10% രേഖാമൂലം ആവശ്യപ്പെട്ടാൽ 15 ദിവസത്തിനകം പ്രത്യേക യോഗം വിളിക്കണം.

• അംഗങ്ങൾക്ക് യോഗത്തിൽ ചോദ്യങ്ങളും നിർദ്ദേശങ്ങളും എഴുതി സമർപ്പിക്കാം.
• ഗ്രാമസഭയുടെ അധികാരപരിധിയിലുള്ള വിഷയങ്ങളിൽ ഭൂരിപക്ഷത്തിന്റെ അടിസ്ഥാനത്തിൽ പ്രമേയങ്ങൾ പാസാക്കാം.

• വികസന പദ്ധതികൾക്ക് മുൻഗണന നിശ്ചയിക്കൽ.
• പദ്ധതി ആസൂത്രണത്തിൽ പങ്കാളിത്തം.
• പൊതുസൗകര്യങ്ങൾ നിർദ്ദേശിക്കൽ.
• ജനപങ്കാളിത്തം ഉറപ്പാക്കൽ.
• സന്നദ്ധസേവനവും വിഭവസമാഹരണവും പ്രോത്സാഹിപ്പിക്കൽ.

• വികസന പ്രവൃത്തികളുടെ എസ്റ്റിമേറ്റ് പരിശോധിക്കൽ.
• ഗുണഭോക്തൃ കമ്മിറ്റികളുടെ പ്രവർത്തനം നിരീക്ഷിക്കൽ.
• പൊതുമരാമത്ത് പ്രവൃത്തികളുടെ പുരോഗതി വിലയിരുത്തൽ.
• വികസന പ്രവർത്തനങ്ങൾക്ക് ആവശ്യമായ നിർദ്ദേശങ്ങൾ നൽകൽ.